Sabirabad Sənaye Məhəlləsi Azərbaycan Respublikası Prezidentinin 27 noyabr 2017-ci il tarixli Sərəncamı ilə inşa olunmağa başlamış, ümumi dəyəri 16,9 milyon manat olan 5 layihənin icrası nəzərdə tutulmuşdur. Sabirabad Sənaye Məhəlləsində də bütün zəruri infrastruktur dövlət tərəfindən yaradılmışdır. Hazırda sənaye məhəlləsində regionun iqtisadi potensialına uyğun olaraq yun tədarükü, pambıqtəmizləmə, plastik məmulatlar və tikinti materiallarının istehsalı, kənd təsərrüfatı məhsullarının emalı müəssisələri və logistik mərkəz fəaliyyət göstərir. Artıq 3 ildən çoxdur ki, sahibkarlar dövlətin yaratdığı imkanlardan yararlanır, sənayenin müxtəlif sahələrində layihələrin reallaşdırılmasında Sabirabad Sənaye Məhəlləsi ilə sıx əməkdaşlıq edirlər.
